الثانوية العامة تعرف على أهم الكليات لطلاب علمي رياضة

الثانوية العامة تعرف على أهم الكليات لطلاب العلمي علوم

السلام عليكم ورحمة الله وبركاته 

أعزائنا الطلاب اللي لسه مخلصين امتحانات الثانوية العامة علمي رياضة وعايزين يعرفوا ايه أهم الكليات المتاحة وأهم المعلومات عن تلك الكليات الرئيسية أمامهم خلال المرحلة الأولى وأماكن تلك الكليات .. في هذا المقال نتعرف على هذه الكليات 

جامعة	الكلية / المعهد
1	القــاهـرة	الهندسة - التخطيط العمراني – الحاسبات والمعلومات والذكاء الاصطناعى
2	الإسكنـدرية	الهندسة - الفنون الجميلة (عمارة)
3	عين شمــس	الهندسة – حاسبات ومعلومات
4	أسيــوط	الهندسة– حاسبات ومعلومات– فنون الجميلة ( عمارة )
5	طنــطا	الهندسة – حاسبات ومعلومات
6	المنصــورة	الهندسة – حاسبات ومعلومات– فنون الجميلة ( عمارة)
7	الزقازيـق	الهندسة – حاسبات ومعلومات
8	حلــوان	الهندسة بحلوان- هندسة المطرية – كلية التعليم الصناعى - الفنون الجميلة بالزمالك (عمارة)– الحاسبات والمعلومات والذكاء الاصطناعى
9	المنــيا	الهندسة - الفنون الجميلة (عمارة) – حاسبات ومعلومات
10	المنــوفية	الهندسة بشبين الكوم - الهندسة الإلكترونية بمنوف – حاسبات ومعلومات
11	قنـاة السويـس	كلية الهندسة بالاسماعيلية– حاسبات ومعلومات بالإسماعلية
12	جنـوب الـوادي	كلية الهندسة بقنا
	الاقصر	حاسبات ومعلومات
13	بنهــا	الهندسة بشبرا– الهندسة– الحاسبات والمعلومات والذكاء الاصطناعى
14	الفيــوم	الهندسة– حاسبات ومعلومات
15	كفـر الشيـخ	الهندسة – الحاسبات والمعلومات - الذكاء الاصطناعى
16	بني سويف	التعليم الصناعي - الهندسة– حاسبات ومعلومات– علوم الملاحة وتكنولوجيا الفضاء .
17	سوهاج	التعليم الصناعي – الهندسة – حاسبات ومعلومات
18	بورسعيد	الهندسة
19	اسوان	الهندسة – هندسة الطاقة
20	السويس	هندسة البترول والتعدين - التعليم الصناعي– حاسبات ومعلومات – هندسة السويس.
21	دمياط	هندسة دمياط
22	دمنهور	حاسبات ومعلومات

وديه الكليات التكنولوجية

م
كلية تكنولوجيا الصناعة والطاقة .	القاهرة الجديدة التكنولوجية	1
كلية تكنولوجيا الصناعة والطاقة	الدلتا التكنولوجية	2
الكلية المصرية الكورية لتكنولوجيا الصناعة والطاقة .	بنى سويف التكنولوجية	3

مدة الدراسة بهذة الكليات تمتد لاربع سنوان ( 2+2 ) وتتيح للطالب بعد اول عامين الحصول على دبلوم مهنى فوق المتوسط والخروج الى سوق العمل او استكمال العامين للحصول على درجة البكالويوس المهنى فى التكنولوجيا                   

باقي التفاصيل والمعاهد الخاصة اضغط هنا

وديه أهم المعلومات عن الكليات

1- كلية الهندسة

وتتعدد أقسام كلية الهندسة إلى قسم الرياضيات والفيزياء الهندسية وقسم الهندسة المعمارية وقسم الهندسة المدنية، وتضم ثلاث تخصصات شعبة الهندسة الإنشائية “وتكون لدراسات العليا فقط” وقسم الهندسة الميكانيكية ويشمل أيضاً شعبتين “شعبة الميكانيكي، وشعبة التصميم”.

كما يتواجد قسم الطيران والفضاء وقسم هندسة القوي والالات الكهربية وتحتوي علي ثلاث شعب “شعبة هندسة المناجم وشعبة هندسة البترول وشعبة هندسة الفلزات”وقسم هندسة الحيوية الطيبه وقسم هندسة الغزل والنسيج وقسم هندسة الحسابات وقسم هندسة النووية وقسم هندسة البحرية وعمارات السفن وقسم هندسة الإلكترونية وقسم هندسة المساحية وقسم هندسة الكيميائية وقسم هندسة الديكور.

باقي المعلومات عن كلية الهندسة اضغط هنا            

2- كلية الحاسبات والمعلومات

و تكون مدة الدراسة بالكلية لمدة 4 سنوات، و يكون التخصص في السنه الثالثة او الاخيرة، و تخضع الكلية لنظام الساعات المعتمد، فلابد ان يجتاز الطالب عدد ساعات محدده و هي 144 ساعة معتمدة.

اقسام كلية حاسبات ومعلومات التي تتوافر في بعض الجامعات:

1-قسم علوم الحاسب( حلوان،عين شمس).

2-قسم نظم المعلومات.

3-قسم تكنولوجيا المعلومات( القاهرة، وحلوان، والمنصورة، والزقازيق والمنوفية، وأسيوط، وبني سويف، والمنيا).

4-قسم نظم الحاسبات(عين شمس وبنها).

5-قسم الحسابات العلمية(عين شمس، وبنها، والمنيا).

6-قسم العلوم الأساسية( عين شمس، والفيوم، وقناة السويس).

7-قسم نظم المعلومات الحيوية(عين شمس).

8-قسم نظم المعلومات الجغرافية(القاهرة).

9-قسم هندسة البرمجيات(حلوان وعين شمس).

10-قسم بحوث العمليات ودعم اتخاذ القرار(القاهرة، والزقازيق، والمنوفية).

11-قسم الوسائط المتعددة(أسيوط وبني سويف).

الدراسة كلها  بتبقي باللغة الإنجليزية،ولكن بالممارسة هتبقى سهلة بالنسبة لك.

قسم علوم الحاسب 

وده قسم هتدرس  فيه معظم لغات البرمجة الموجودة في الكمبيوتر يعني مثلاً زي: السي، والسي بلس، والسي بلس بلس، والجافا، والاسيمبلي، والسي شارب.. إلخ.

والمواد بتاعته بتختلف من جامعة لجامعة، لكن عموماً المواد باختصار بتعلمك إزاي تترجم لغات البرامج وإزاي تدرس البنية التحتية للبرمجيات، وكمان بتاخد مقتطفات عن برمجة الشبكات، ومواقع الانترنت، لكن دراستك في هذا القسم بتنصب على برمجة الحاسب.

قسم نظم المعلومات 

وده بتدرس فيه برمجة قواعد المعلومات وبعض من شبكات الإنترنت والاتصالات وبعض من مواد التسويق وإدارة الاعمال، وبرضه بتاخد بعض لغات البرمجة، بس مش كلها، لكن دراسته تنصب على قواعد البيانات، وهتتعلم فيه إزاي تصمم برامج إدارة الشركات والبنوك، وإزاي تخزن بيانات الشركة كلها على برنامج واحد أو على موقع انترنت واحد.

قسم نظم المعلومات الحيوية

وهو قسم خاص  ومصاريفه بتختلف من سنة لسنة بس السنة اللي فاتت وصلت لـ 17 ألف جنيه، وهو قسم  بيدخله علمي علوم, بس لازم بتاخد رياضة 2 في أول سنة لأنك هتدرس فيه مواد من صيدلة، ومن علوم أحياء طول السنوات الدراسية، وعادي ممكن علمي رياضة برضه يدخله والتخصص في القسم ده من سنة أولى.

وهنا في القسم ده بتدرس إزاي تبرمج الشرايح الالكترونية اللي بتعالج الناس من أشد الأمراض وإزاي بتدرسها وإزاي بتجربها.

قسم تكنولوجيا المعلومات 

وهنا بقى هتتعلم إزاي تبرمج شبكات الإنترنت وتعرف إيه هو الإنترنت اساساً وليه اتعمل ومين اللي عمله وتتعلم برضه إزاي تبرمج مواقع الإنترنت الكبيرة وتاخد لغات برمجة خاصة بالمجال ده زي الفي بي سكريبت، والروبي، والبايثون، والجافا. القسم ده موجود في أغلبية كليات الحاسبات والمعلومات بس مش كلها.

قسم الحسابات العلمية 

والقسم ده بيركز على الرياضيات أكتر لإنك هتتعلم فيه رسم الأشكال الهندسية المعقدة بالبرمجة وفيه بعض مواد نظري.المواد باختصار بتتكلم عن نظرية الحسابات، وكيفية الرسم بالحاسب، ودراسة الإحصاء والإحتمالات والقسم موجود في جامعة عين شمس فقط.

قسم العلوم الأساسية 

والقسم ده بقى  هتدرس فيه أساسيات الكمبيوتر، وأساسيات الكمبيوتر من ناحية العلم يعني رياضة وفيزيا. بجانب المواد النظرية. والقسم ده برضو موجود في جامعة عين شمس بس.

قسم نظم المعلومات الجغرافية 

وده بقى قسم حلو لمحبي الاتصالات.

قسم هندسة البرمجيات 

واضح من الاسم إن لقبك رسمياً جوة مصر أو برة مصر هو «مهندس برمجيات». قسم هندسة البرمجيات موجود في جامعة حلوان بس، ومصاريف القسم أخفّ من مصاريف قسم عين شمس الجديد, والسنة تعمل لها 7500 جنيه والتخصص فيه من سنة  أولى.

وهتاخد فيه كل لغات البرمجة فهي خليط من مواد علوم حاسب على نظم معلومات على بعض من تكنولوجيا المعلومات على مواد من هندسة البرمجيات اللي نازله جديد على مواد دعم و اتخاذ قرار.

قسم بحوث العمليات ودعم اتخاذ القرار

في القسم ده بتاخد مواد رياضية كتير ومواد فيها حفظ وبرمجة مش كتيرة.

وهتدرس فيه إزاي تتخذ القرار في أي عملية الكترونية، وإزاي تناقشها بأسلوب علمي بحت، وشغلك يبقى في مراكز حساسة زي رئاسة الجمهورية ومجلس الوزراء ومراكز دعم اتخاذ القرار الحكومية التابعة للرئاسة. فلو عاوز القسم ده, يبقى لازم تجهتد كويس أوي والقسم موجود في جامعة القاهرة والمنصورة.

قسم نظم الحاسبات

إيه الفرق بين القسم ده وقسم هندسة الحاسبات اللي في كلية هندسة؟

في تشابه كبير بينه وبين قسم هندسة الحاسبات اللي في كلية هندسة، لأنك هتدرس إزاي تربط البرمجة بالهاردوير، وإزاي تبرمج البروسيسور و إزاي تبرمج الهارد، والكلام ده بيتاخد في قسم هندسة حاسبات إلا أن قسم هندسة حاسبات نشاطه أكتر على الهاردوير، والسوفتوير فيه قليل.

في قسم نظم الحاسبات هتاخد البرمجة بشكل مكثف عن السوفتير لكن الهاردوير قليل والقسم موجود في جامعة عين شمس وفقط.

3- كلية الفنون الجميلة

يدرس الطالب مدة 5 سنوات في الكلية ومنهم “سنة إعدادي” ، ولكلية فنون جميلة شروط لإلتحاق الطالب بها ، حيث تشترط على الطلاب إجتياز إمتحان القدرات والنجاح به ، وأن يحصل الطالي على مجموع الكبية ذاتها والشرطين لا يمكن الإشتغناء عن إحداهم.

وتحتوي كلية فنون جميلة على قسمين ” عمارة -فنون ” وتستعرض لكم “الوكالة نيوز” القسمين تفصيلياً

أولاً : قسم عمارة

يُعد قسم عمارة إحدى أحلام طلاب الشعبة الهندسية إذا لم يحالفهم الحظ في الإلتحاق بكلية الهندسة 

ويعتبر قسم عمارة من الأقسام التي لها تنسيق خاص منفصل عن كلية فنون جميلة ذاتها ، فعند إختيار الطالب لقسم عمارة يتجه لآداء إمتحان قدرات آخر ويجب النجاح به ، كما يجب أن يكون مجموعه مناسب لشروط القسم.

ثانياً : قسم الفنون

يحتوي قسم فنون على 4 أقسام داخلية ، وإمتحان موحد لكل قسم ، وتنقسم إلى ” ديكور ، تصوير ، جرافيك ، ونحت ”

١- قسم ديكور : من الاقسام التي تقبل الشعبة العلمية والهندسية ، وتحتوي على تنسيق داخلي أيضاً ، ويدرس الطالب كل ما له علاقة بالتصميم للداخلي وبعد سنتين من الدراسة يُسمح للطالب بإختيار إما أن يُكمِل دراسة في التصميم الداخلي فقط أو أن يتوسع في دراسته ويدرس مواد (ديكور مسرح) بجانبه .

٢- قسم تصوير : من الأقسام التي تقبل الـ 3 شعب الأدبية والعلمية والهندسية ، وهو قسم ينجذب له محبوا التصوير والرسم خاصة ،وليس للقسم أي شروط.

٣- قسم الجرافيك : من الأقسام التي تقبل الـ 3 شعب الأدبية والعلمية والهندسية ، وهو مخصص لمحبي التصميم والكرتون والأنيميشن والجرافيكس ، وليس للقسم أي شروط .

٤- قسم النحت : من الأقسام التي تقبل الـ 3 شعب الأدبية والعلمية والهندسية ، وهو مخصص لمحبي الرسم وصناعة الأشياء ، ويذكر أن إقبال الطلاب على قسم النحت ضئيل ، وليس للقسم أي شروط.

هذه تجميعة لأهم المعلومات وليست تأليف 

وتابع الموقع معانا للمزيد من التفاصيل في الفترة القادمة ... وبالتوفيق بإذن الله