تعرف على كلية التمريض اختبار القدرات وأهم المعلومات الخاصة بالكلية

إعداد وكتابة:
أ: بسمة ممدوح

كلية التمريض واختبارات القدرات

من الكليات المهمة جدا لطلبة علمي علوم واللي كتير بيسأل عن تفاصيل التقديم ليها و مجالاتها .. في المقال دا هنجاوبك على كل الاسئلة اللي بدور في دماغك.

التنسيق :- بيختلف بشكل كبير من سنة لتانية لأن اعتماد الكلية الاساسي بيكون على امتحان قدرات بس بتكون حدودها في الغالب من 90% لحد 94%.

الاختبارات :-

 النجاح فيها بيكون من 60% و تكلفتها حوالي 200 جنيه و بتنقسم لاكتر من جزء

1- امتحان تحريري:- و دا بيكون MCQ و بيتقسم لي:-

أ- انجلش :- و دا قريب جدا من امتحان الثانوي بس بيكون اسهل و هدفه أنهم يشوفوا مستواك لان الدراسة زي ما قولتلك بالانجلش

ب- سمات شخصية :- و دا عبارة عن مواقف مختلفة وانت بتقول موافق عليها ولا لا 

ج- قدرات عقلية و أو اختبار ذكاء :- و هو بسيط جدا بيجبلك مثلا اشكال و يقولك اي شكل مناسب معاها أو تسلسل ارقام مثلا.

2- المقابلة الشخصية :- ذي انترفيو مع 3:5 دكاترة بيتكلموا معاك و يسالوك ليه عايز تدخل الكلية و شوية أسئلة عامة و هدف المقابلة أنهم يشوفي طريقة كلامك و مخارج حروفك و شكلك عشان لو في اي عيوب خلقية و يحددوا مستواك الثقافي والفكري.

3- كشف طبي:- بيتعمل في مستشفى حكومي

الدراسة في الكلية :-

4 سنين دراسة و سنة امتياز و الدراسة بتكون بالانجلش طبعا 

الشغل :-

الكلية ليها تكليف يعني بتتخرج و بتتعين في مستشفى بمرتب حكومي و تقدر بردو تشتغل في المستشفيات و المراكز الخاصة .. مطلوبين جدا للشغل في الخارج في كل الدول و أشهرهم كندا و ممكن تكمل في كليات الجيش و لو كملت ماستر و دكتوراه في قسم النسا و التوليد بيكون ليك الحق في انك تفتح عيادة نسا و كذلك لو كملت تغذية تقدر تشتغل دكتورة سمنة و نحافة .. لو كملت في التمريض فانت مابتكنش ممرض عادي انت بتكون مساعد طبيب بمعنى لو الدكتور مش موجود فانت مكانه و كل الممرضين بتكون رئيس عليهم .. و المرتبات بتكون مجزية 

تخصص التمريض

المواد الأساسية للتمريض اللي بتدرسها في العام الأول هي اللي تكون قاعدة معرفية هامة جدًا للسنوات التالية. ففي السنة الأولى أنت تدرس مادة (أساسيات التمريض – Nursing Essentials)، وهذه مادة مستمرة على مدار العام وتكون أكبر المواد من حيث الكم، وأكبرها من حيث عدد الأساتذة الجامعيين الذين يقومون بتدريسها. وتلك المادة لها فصول عملية بجانب الشرح النظري. وأيضًا تدرس مادة (أخلاقيات التمريض – Nursing Ethics)، وفيها تتعامل نظريًّا مع أخلاقيات مهنة التدريب، فتدرس فيها حقوق المُمرض والمريض على حدٍ سواء. وأخيرًا تدرس مادة (التشريح – Anatomy)، وهذه مادة هامة جدًا، ففيها تدرس التركيب العضلي والعضوي لجسم الإنسان، فبالتالي تتعامل مع أجساد المرضى بحذر ودقة.

 أنت تدرس العديد من المواد البينية والوسطية الأخرى. فبالإضافة إلى ما سبق أنت تدرس أيضًا مادة (فسيولوجيا الحيوان – Animal Physiology)، وفيها تتعامل مع الدم والخلايا وأجهزة الكائن الحي. ومادة (المايكروبيولوجيا – Micro Biology)، وفيها تتعامل مع البيكتريا والكائنات المجهرية. وهذا بجانب دراسة الطفيليات، علم النفس، السلوك الإنساني، وبعض المواد النظرية الأخرى.

وبتاخد سنة أولى كسنة تمهيدية وبعد كده تتخصص في احدى التخصصات الطبية زي لتمريض الباطني الجراحي، تمريض صحة الأم وحديثي الولادة (النساء والتوليد)، تمريض الأطفال، إدارة التمريض، تمريض الصحة النفسية، تمريض صحة المجتمع والمسنين، الحالات الحرجة والطوارئ، تمريض صحة البالغين

---------

للتعرف على المزيد من المعلومات عن باقي كليات التي لديها اختبارات قدرات اضغط هنا 

للتعرف على كليات المتاحة للعلمي علوم اضغط هنا 

للتعرف على كليات المتاحة للعلمي رياضة اضغط هنا 

للتعرف على الكليات الأدبية اضغط هنا 

للتعرف على الكليات المتاحة لكل الشعب اضغط هنا